educsbarrie

Estimad@ amig@:

Como sabes, dende os seus inicios, a Fundación Barrié destina os seus recursos a proxectos dirixidos a impulsar iniciativas vinculadas á educación e ao fomento do talento.

En outubro do 2011, da un paso máis na súa aposta pola educación e crea o educaBarrié como nexo de unión entre a comunidade educativa e as actividades das distintas áreas da Fundación. Actualmente, estanse a desenvolver distintos proxectos educativos que podes visitar na web www.educabarrie.org , lugar de encontro da comunidade de docentes de educaBarrié na que te invitamos a participar.
Desde o área de Educación e Investigación, e na súa vertente didáctica, se desenvolven distintos proxectos destinados a contribuír ao desenvolvemento das vocacións científicas e do ensino /aprendizaxe das ciencias.

Nesta ocasión, te invitamos a participar nun programa piloto destinado a incrementar o grado de comprensión dos principios básicos da xenética destinado ao alumnado de Bioloxía de 4º de ESO, 1º e 2º de Bacharelato.

O proxecto se enmarca dentro das actividades didácticas do Programa Diana, unha iniciativa conxunta da Fundación Barrié, a Fundación Pública Galega de Medicina Xenómica e a Universidade de Santiago de Compostela destinada á promoción da investigación na área da “medicina personalizada” ou farmacoxenética.

A partir de actividades e materiais de aula, cun forte compoñente socioconstructivista ,os e as alumnas terán que observar, postular hipóteses, aplicar teorías e comprobar empiricamente os resultados reprodutivos dunha parella de ratos.

Para que sexa máis doado, desde a Fundación Barrié, en colaboración coa empresa Xaraleira, enviaremos ao teu centro un kit cos materiais necesarios e pomos á túa disposición un blog de aula totalmente estruturado no que os rapaces compartirán con compañeiros doutros centros as súas experiencias.

Cada kit está composto por:

Dúas gaiolas, cada unha con dous ratos xeneticamente controlados.
Bebedeiros.
Unha bolsa co alimento suficiente para a estancia dos ratos no centro.
Un caderniño para o alumno con guión de Carlos de Paz e ilustracións de Xosé Tomás.
Guía didáctica para o profesorado, onde se inclúe un apartado de preguntas frecuentes e consellos prácticos para desenvolver con éxito a experiencia.

O proxecto se integra curricularmente na Bioloxía de 4º da ESO, no bloque de xenética, e se adapta perfectamente aos niveis de 1º e 2º de Bacharelato.
Está programado para incorporarse nas aulas entre o 27 de febreiro, data en que xa terás recibido o material e o kit de laboratorio, e o 30 de marzo, día en que se recollería ás novas familias de ratos.
Polas características da experiencia, é doado implicar a profesores e alumnos de cursos inferiores do centro para colaborar nas tarefas de limpieza e cuidados dos animais.
Como exemplo , deixámoste o link as bitácoras de aula de dous docentes pioneiros que xa desenvolveron a experiencia noutros cursos lectivos.

http://ratosnolaboratorio.blogspot.com( Preme no vídeo para ver un resumo do proxecto)
http://ratonesenlauretum.blogspot.com/

Como accións complementarias están previstas:

Unha sesión de presentación a mediados de febreiro, onde coñecerás aos autores do caderniño e aos docentes que xa levaron a experiencia á aula.
Unha sesión de peche e posta en común no día Internacional do ADN na que o D. Anxo Carracedo, director científico do programa Diana impartirá unha conferencia sobre o futuro da xenética.
Habilitación dun blog de aula para cada centro participante onde compartir experiencias con outros participantes. Os blogs están estruturados para que os usuarios só teñan que colgar datos e comentarios.
Durante todo o proceso, o equipo de educaBarrié estará a vosa disposición para atender dúbidas e suxestións, tanto persoalmente a través do email educabarrie@fbarrie.org como desde a web www.educabarrie.org .

Si estás interesado/a en participar na experiencia piloto non tés mais que enviar un e-mail a educabarrie@fbarrie.org axuntando o formulario de inscrición cos datos que se te piden.

Recibe un saúdo cordial