Escher e Matemáticas. Diálogo entre ciencia e arte.

Obxectivos

• Fomentar na xente nova unha relación, distinta da habitual, co coñecemento, para propiciar o seu desenvolvemento harmonioso e integral. Romper os límites disciplinares e potenciar a integración da ciencia con outras áreas de coñecemento.
• Analizar as semellanzas e diferenzas na construción do coñecemento nas artes e na ciencia.  Explorar e visualizar conceptos matemáticos a través da arte.  Recoñecer o papel das matemáticas, especialmente da xeometría, na base dalgunhas propostas artísticas e na arquitectura contemporáneas.
• Aprender a gozar coa beleza da arte e da ciencia; aprender a mirar e interpretar a realidade a través da arte e da ciencia.

Descrición e características da actividade

O núcleo central é a obra de Maurits Cornelis Escher (1898-1972), especialmente a realizada a partir de 1937, momento no que as súas creacións –segundo palabras do presidente da fundación M.C. Escher- “mostran extraordinarias manipulacións do espazo, o tempo e a perspectiva que reorganizou conforme a súa persoal e enxeñosa lóxica.  A simultaneidade da perspectiva é o lugar común, o infinito é a dirección, o negativo e o positivo son intercambiables e a fascinación é o resultado”.

Contido e alcance da acción

Exposición  interactiva formada por varios módulos:

• A estrutura do espazo, onde se incluirán os estudos sobre a relatividade, o cruce de mundos paralelos e o desenvolvemento e xogos tridimensionais e matemáticos.
• A estrutura da superficie, que reflectirá a procura do infinito no plano, a metamorfose espazo-tempo.
• A proxección do espazo tridimensional no plano, caracterizado polas investigacións sobre as formas de representación relacionadas coa perspectiva, así como o desenvolvemento de formas e figuras imposibles. Viaxando entre arquitecturas e belvederes

Contidos nos que se incidirá en maior medida:

1. Aproximación ao infinito
2. Conflito plano – espazo
3. Isometría e pavimentación
4. límites
5. Figuras imposibles
6. Perspectivas
7. Rotacións
8. Translacións
9. Banda de Möbius
10. Caleidociclos. Arte en movemento.

Soporte e estrutura da proposta:

-Láminas e pósters que permiten contemplar os traballos de Escher que teñen unha maior relación coas matemáticas.

-Obradoiro, conformado por unha serie de postos nos que se manipulan diversos  materiais para translucir as ideas que inspiraron ao artista en cada unha das láminas que se elixen como base, ó tempo que se favorece a comprensión e construción dos conceptos matemáticos correspondentes.

-Actividades de lapis e papel que axudan a “mirar” a obra de arte e a relacionala coas matemáticas.

-Proxección de vídeos que expoñen paso a paso como se chega, a partir duns determinados elementos, á produción final que se mostra nas reproducións da obra de Escher.

Cine científico

Co patrocinio e a colaboración de